ਪ੍ਰਕਾਸ਼ਨ 115, ਟਿਪ, ਗ੍ਰੈਚੁਟੀ, ਅਤੇ ਸਰਵਿਸ ਚਾਰਜ਼
ਸਤੰਬਰ 2018
ਵਿਕਲਪਿਕ ਖਰਚੇ
ਰੈਸਟੋਰੈਂਟ, ਹੋਟਲ, ਕੇਟਰਰ, ਬੋਰਡਿੰਗ ਹਾਊਸ, ਡ੍ਰਾਈਵ-ਇਨ ਅਤੇ ਸਮਾਨ ਅਦਾਰਿਆਂ ਵਰਗੇ ਕਾਰੋਬਾਰ ਅਕਸਰ ਆਪਣੇ ਗਾਹਕਾਂ ਤੋਂ ਟਿਪ, ਗ੍ਰੈਚੁਟੀ ਅਤੇ ਸਰਵਿਸ ਚਾਰਜ਼ ਵਜੋਂ ਇੱਕ ਨਿਯੁਕਤ ਭੁਗਤਾਨ ਪ੍ਰਾਪਤ ਕਰਦੇ ਹਨ। ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼ ਵਜੋਂ ਨਿਯੁਕਤ ਇੱਕ ਵਿਕਲਪਿਕ ਭੁਗਤਾਨ ਟੈਕਸ ਦੇ ਅਧੀਨ ਨਹੀਂ ਹੁੰਦਾ। ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼ ਵਜੋਂ ਨਿਯੁਕਤ ਇੱਕ ਲਾਜ਼ਮੀ ਭੁਗਤਾਨ ਨੂੰ ਟੈਕਸ ਯੋਗ ਕੁੱਲ ਆਮਦਨ ਵਿੱਚ ਸ਼ਾਮਲ ਹੁੰਦਾ ਹੈ, ਭਾਵੇਂ ਇਹ ਰਕਮ ਬਾਅਦ ਵਿੱਚ ਰਿਟੇਲਰ ਦੁਆਰਾ ਕਰਮਚਾਰੀਆਂ ਨੂੰ ਅਦਾ ਕੀਤੀ ਜਾਂਦੀ ਹੈ।
ਵਿਕਲਪਿਕ ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼
ਆਮ ਤੌਰ ਤੇ, ਜੇਕਰ ਤੁਹਾਡਾ ਗਾਹਕ ਬਿਲ ਵਿੱਚ ਰਕਮ ਜੋੜਦਾ ਹੈ, ਜਾਂ ਤੁਹਾਡੇ ਖਾਣੇ, ਭੋਜਨ ਅਤੇ ਪੀਣ ਵਾਲੇ ਪਦਾਰਥਾਂ ਦੀ ਵਿਕਰੀ ਲਈ ਭੁਗਤਾਨ ਕੀਤੇ ਜਾਣ ਵਾਲੀ ਅਸਲ ਰਕਮ ਤੋਂ ਇਲਾਵਾ ਇੱਕ ਵੱਖਰੀ ਰਕਮ ਜੋੜਦਾ ਹੈ ਜਿਸ ਵਿੱਚ ਸੇਵਾਵਾਂ ਸ਼ਾਮਲ ਹਨ, ਤਾਂ ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼ (ਟਿਪ) ਵਿਕਲਪਿਕ ਹੈ।
ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼ ਵਿਕਲਪਿਕ ਹੈ ਅਤੇ ਟੈਕਸਯੋਗ ਕੁੱਲ ਆਮਦਨ ਵਿੱਚ ਸ਼ਾਮਲ ਨਹੀਂ ਹੈ ਜਦੋਂ:
- ਰੈਸਟੋਰੈਂਟ ਦਾ ਬਿਲ "ਟਿਪ" ਖੇਤਰ ਨੂੰ ਖਾਲੀ ਛੱਡ ਕੇ ਪੇਸ਼ ਕੀਤਾ ਜਾਂਦਾ ਹੈ ਤਾਂ ਜੋ ਤੁਹਾਡਾ ਗਾਹਕ ਆਪਣੀ ਮਰਜ਼ੀ ਨਾਲ ਕੋਈ ਵੀ ਰਕਮ ਉਸ ਵਿੱਚ ਲਿਖ ਸਕੇ, ਜਾਂ
- ਰੈਸਟੋਰੈਂਟ ਦਾ ਬਿਲ ਤੁਹਾਡੇ ਗਾਹਕ ਨੂੰ ਟਿਪ ਲਈ ਦਿੱਤੇ ਗਏ ਸੁਝਾਵਾਂ ਦੇ ਨਾਲ ਪੇਸ਼ ਕਿਤਾਂ ਜਾਂਦਾ ਹੈ ਅਤੇ "ਟਿਪ" ਖੇਤਰ ਖਾਲੀ ਰੱਖਿਆ ਜਾਂਦਾ ਹੈ ਤਾਂ ਜੋ ਤੁਹਾਡੇ ਗਾਹਕ ਟਿਪ ਦੇਣਾ ਚਾਹੁੰਦੇ ਹਨ ਤਾਂ ਉਹ ਆਪਣੀ ਮਰਜ਼ੀ ਦੇ ਨਾਲ ਉੱਥੇ ਇੱਕ ਰਕਮ ਲਿਖ ਸਕਦੇ ਹਨ।
| ਮਹਿਮਾਨ ਦਾ ਬਿਲ | |
|---|---|
| ਭੋਜਨ ਆਈਟਮ A | $9.95 |
| ਪੀਣ ਵਾਲੀ ਆਈਟਮ B | 3.75 |
| ਉਪ ਕੁੱਲ ਜੋੜ: | $13.70 |
| 8.25% ਵਿਕਰੀ ਟੈਕਸ | 1.13 |
| ਉਪ ਕੁੱਲ ਜੋੜ: | $14.83 |
| ਟਿਪ* | ______ |
| ਕੁੱਲ ਜੋੜ | ______ |
| *ਸੁਝਾਏ ਗਏ ਟਿਪ: 15%=$2.06; 18%=$2.47; 20%=$2.74; ਹੋਰ। | |
ਕਿਰਪਾ ਕਰਕੇ ਧਿਆਨ ਦਿਓ: 8.25 ਪ੍ਰਤੀਸ਼ਤ ਦੀ ਟੈਕਸ ਦਰ ਦਾ ਇਸਤੇਮਾਲ ਸਿਰਫ਼ ਉਦਾਹਰਣ ਕਿਤਾ ਗਿਆ ਸੀ; ਤੁਹਾਡੀ ਅਸਲ ਦਰ ਵੱਖ ਹੋ ਸਕਦੀ ਹੈ। ਆਪਣੇ ਖੇਤਰ ਜਾਂ ਕਾਰੋਬਾਰੀ ਸਥਾਨ ਲਈ ਸਹੀ ਟੈਕਸ ਦਰ ਦਾ ਪਤਾ ਲਗਾਉਣ ਲਈ, www.cdtfa.ca.gov ਤੇ ਜਾਓ ਅਤੇ ਮੇਰਾ ਟੈਕਸ ਦਰ ਲੱਭੋ ਤੇ ਕਲਿੱਕ ਕਰੋ।
1 ਜਨਵਰੀ 2015 ਨੂੰ ਅਤੇ ਇਸ ਤੋਂ ਬਾਅਦ ਜਦੋਂ ਕੋਈ ਰਿਟੇਲਰ ਅੰਦਰੂਨੀ ਆਮਦਨ ਸੇਵਾ (Internal Revenue Service, IRS) ਉਦੇਸ਼ਾਂ ਲਈ ਟਿਪ ਵਜੋਂ ਪ੍ਰਾਪਤ ਵੇਤਨ ਦੇ ਤੌਰ ਤੇ ਮਿਲੀ ਰਕਮਾਂ ਦੇ ਮੁਤਾਬਕ ਰਿਕਾਰਡ ਰੱਖਦਾ ਹੈ, ਤਾਂ ਅਜਿਹੀਆਂ ਰਕਮਾਂ ਵਿਕਲਪਿਕ ਮੰਨੀਆਂ ਜਾਂਦੀਆਂ ਹਨ ਅਤੇ ਟੈਕਸ ਦੇ ਅਧੀਨ ਨਹੀਂ ਹੁੰਦੀਆਂ ਹਨ। ਜਦੋਂ ਇੱਕ ਰਿਟੇਲਰ ਅਜਿਹੇ ਰਿਕਾਰਡ ਨਹੀਂ ਰੱਖਦਾ, ਤਾਂ ਇਹ ਧਾਰਣਾ ਲਾਗੂ ਨਹੀਂ ਹੁੰਦੀ ਅਤੇ ਰਕਮ ਲਾਜ਼ਮੀ ਹੋ ਸਕਦੀਆਂ ਹਨ ਅਤੇ ਟੈਕਸਯੋਗ ਕੁੱਲ ਆਮਦਨੀ ਵਿੱਚ ਸ਼ਾਮਲ ਹੋ ਸਕਦੀਆਂ ਹਨ।
ਜੇਕਰ ਕੋਈ ਮਾਲਕ ਕਿਸੇ ਕਰਮਚਾਰੀ ਨੂੰ ਪ੍ਰਾਪਤ ਹੋਈ ਗ੍ਰੈਚੁਟੀ ਦੇ ਰਕਮ ਦੀ ਦੁਰਵਰਤੋਂ ਕਰਦਾ ਹੈ ਤਾਂ ਇਹ ਰਕਮ ਰਿਟੇਲਰ ਦੀਆਂ ਟੈਕਸਯੋਗ ਕੁੱਲ ਆਮਦਨ ਵਿੱਚ ਸ਼ਾਮਲ ਕੀਤੀਆਂ ਜਾਂਦੀਆਂ ਹਨ।
ਲਾਜ਼ਮੀ ਖਰਚੇ
ਲਾਜ਼ਮੀ ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼
1 ਜਨਵਰੀ, 2015 ਨੂੰ ਅਤੇ ਇਸ ਤੋਂ ਬਾਅਦ ਕੀਤੇ ਗਏ ਲੈਣ-ਦੇਣ ਲਈ, ਜਦੋਂ ਕਿਸੇ ਰੀਟੇਲਰ ਦੇ ਰਿਕਾਰਡ ਵਿੱਚ IRS ਨੂੰ ਬਿਨਾਂ ਟਿਪ ਦੇ ਵੇਤਨ ਵਜੋਂ ਰਿਪੋਰਟ ਕਿਤਾ ਗਿਆ ਵੇਖਿਆ ਜਾਂਦਾ ਹੈ, ਤਾਂ ਉਨ੍ਹਾਂ ਰਕਮਾਂ ਨੂੰ ਲਾਜ਼ਮੀ ਮੰਨਿਆ ਜਾਂਦਾ ਹੈ ਅਤੇ ਟੈਕਸ ਯੋਗ ਕੁੱਲ ਆਮਦਨਾਂ ਵਿੱਚ ਸ਼ਾਮਲ ਕੀਤਾ ਜਾਂਦਾ ਹੈ।
ਜਦੋਂ ਇੱਕ ਰਿਟੇਲਰ IRS ਨੂੰ ਰਕਮਾਂ ਦੀ ਰਿਪੋਰਟ ਨਾ ਕਰਨ ਦੇ ਉਦੇਸ਼ਾਂ ਲਈ ਰਿਕਾਰਡ ਬਣਾ ਕੇ ਨਹੀਂ ਰੱਖਦਾ ਹੈ, ਤਾਂ ਖਾਣੇ, ਭੋਜਨ, ਜਾਂ ਪੀਣ ਵਾਲੇ ਪਦਾਰਥਾਂ, ਜਾਂ ਕਿਸੇ ਇਵੈਂਟ, ਜਿਸ ਵਿੱਚ ਖਾਣਾ, ਭੋਜਨ ਜਾਂ ਪੀਣ ਵਾਲੇ ਪਦਾਰਥ ਸ਼ਾਮਲ ਹਨ, ਤੋਂ ਪਹਿਲਾਂ ਰਿਟੇਲਰ ਅਤੇ ਗਾਹਕ ਵਿੱਚਕਾਰ ਗੱਲਬਾਤ ਦੇ ਨਾਲ ਤੈਅ ਕੀਤੀ ਗਈ ਰਕਮ ਲਾਜ਼ਮੀ ਹੈ।
ਰਕਮ ਨੂੰ ਉਦੋਂ ਵੀ ਲਾਜ਼ਮੀ ਮੰਨਿਆ ਜਾਵੇਗਾ ਜਦੋਂ ਮੀਨੂ, ਬਰੋਸ਼ਰ, ਇਸ਼ਤਿਹਾਰ, ਜਾਂ ਹੋਰ ਸਮੱਗਰੀਆਂ ਵਿੱਚ ਪ੍ਰਿੰਟ ਕੀਤੇ ਸਟੇਟਮੈਂਟ ਸ਼ਾਮਲ ਹੋਣ, ਜੋ ਗਾਹਕਾਂ ਨੂੰ ਸੂਚਿਤ ਕਰਦਾ ਹੈ ਕਿ ਟਿਪ, ਗ੍ਰੈਚੁਟੀ ਜਾਂ ਸਰਵਿਸ ਚਾਰਜ਼ ਬਿਲ ਵਿੱਚ ਸ਼ਾਮਲ ਕੀਤੇ ਜਾਣਗੇ, ਜਾਂ ਸ਼ਾਮਲ ਕੀਤੇ ਜਾ ਸਕਦੇ ਹਨ। ਪ੍ਰਿੰਟ ਕੀਤੀਆਂ ਸਟੇਟਮੈਂਟ ਦੀਆਂ ਉਦਾਹਰਣਾਂ ਵਿੱਚ ਸ਼ਾਮਲ ਹਨ:
- “8 ਜਾਂ ਇਸ ਤੋਂ ਵੱਧ ਲੋਕਾਂ ਵਾਲਿਆਂ ਪਾਰਟੀਆਂ ਲਈ 18% ਗ੍ਰੈਚੁਟੀ [ਜਾਂ ਸਰਵਿਸ ਚਾਰਜ਼] ਜੋੜਿਆ ਜਾਵੇਗਾ।”
- ਤੁਹਾਡੇ ਗਾਹਕ ਨੂੰ ਪੇਸ਼ ਕੀਤੇ ਇਨਵੌਇਸ ਜਾਂ ਬਿਲ ਤੇ "ਸੁਝਾਈ ਗਈ ਗ੍ਰੈਚੁਟੀ 15%," ਸੂਚੀਬੱਧ ਕਿਤਾਂ ਗਿਆ ਹੈ।
- "8 ਜਾਂ ਇਸ ਤੋਂ ਵੱਧ ਲੋਕਾਂ ਵਾਲਿਆਂ ਪਾਰਟੀਆਂ ਲਈ 15% ਸਵੈ-ਇੱਛਤ ਗ੍ਰੈਚੁਟੀ ਜੋੜੀ ਜਾਵੇਗੀ।"
ਜਦੋਂ ਮੀਨੂ, ਬਰੋਸ਼ਰ, ਇਸ਼ਤਿਹਾਰ ਜਾਂ ਹੋਰ ਸਮੱਗਰੀ ਵਿੱਚ ਅਜਿਹੇ ਪ੍ਰਿੰਟ ਕੀਤੇ ਸਟੇਟਮੈਂਟ ਸ਼ਾਮਲ ਹੁੰਦੇ ਹਨ, ਬਿਲ ਜਾਂ ਇਨਵੌਇਸ ਵਿੱਚ ਸਵੈਚਲਿਤ ਤੌਰ ਤੇ ਸ਼ਾਮਲ ਕੀਤੀ ਗਈ ਰਕਮ ਇੱਕ ਲਾਜ਼ਮੀ ਚਾਰਜ ਹੈ ਅਤੇ ਟੈਕਸ ਦੇ ਅਧੀਨ ਹੈ। ਇੱਕ ਰਕਮ ਨੂੰ ਸਵੈਚਲਿਤ ਤੌਰ 'ਤੇ ਜੋੜਿਆ ਗਿਆ ਮੰਨਿਆ ਜਾਂਦਾ ਹੈ ਜਦੋਂ ਰਿਟੇਲਰ ਭੋਜਨ ਪਰੋਸਣ ਤੋਂ ਬਾਅਦ ਗਾਹਕ ਨਾਲ ਇਸ ਬਾਰੇ ਚਰਚਾ ਕੀਤੇ ਬਿਨਾਂ ਬਿਲ ਵਿੱਚ ਰਕਮ ਜੋੜ ਦਿੰਦਾ ਹੈ।
ਇਹ ਮੰਨਿਆ ਜਾਂਦਾ ਹੈ ਕਿ ਤੁਹਾਡੇ ਦੁਆਰਾ ਗਾਹਕ ਨੂੰ ਦਿੱਤੇ ਗਏ ਬਿਲ ਜਾਂ ਇਨਵੌਇਸ ਵਿੱਚ ਇੱਕ ਟਿਪ ਦੇ ਤੌਰ ਤੇ ਸ਼ਾਮਲ ਕੀਤੀ ਰਕਮ ਲਾਜ਼ਮੀ ਹੈ। ਬਿਲ ਜਾਂ ਇਨਵੌਇਸ ਤੇ ਇੱਕ ਸਟੇਟਮੈਂਟ ਦਾ ਲਿਖੀਆਂ ਜਾਣਾ ਕਿ ਜੋ ਉਕਤ ਰਕਮ ਸੁਝਾਈ ਗਈ ਹੈ, ਵਿਕਲਪਿਕ ਹੈ, ਜਾਂ ਤੁਹਾਡੇ ਗਾਹਕ ਦੁਆਰਾ ਵਧਾਈ, ਘਟਾਈ ਜਾਂ ਹਟਾਈ ਜਾ ਸਕਦੀ ਹੈ, ਉਹ ਚਾਰਜ਼ ਦਾ ਦੇਣਾ ਲਾਜ਼ਮੀ ਹੈ, ਇਸ ਪ੍ਰਕਿਰਤੀ ਨੂੰ ਨਹੀਂ ਬਦਲਦੀ ਹੈ। ਇਸ ਤਰ੍ਹਾਂ ਅਨੁਮਾਨ ਲਗਾਉਣਾ ਤੁਹਾਡੇ ਰਿਕਾਰਡਾਂ ਵਿੱਚ ਰੱਖੇ ਦਸਤਾਵੇਜ਼ੀ ਸਬੂਤਾਂ ਨਾਲੋਂ ਵੱਖ ਹੋ ਸਕਦਾ ਹੈ ਜੋ ਦਰਸ਼ਾਉਂਦਾ ਹੈ ਕਿ ਤੁਹਾਡੇ ਗ੍ਰਾਹਕ ਨੇ ਬਿਲ ਵਿੱਚ ਗ੍ਰੈਚੁਟੀ ਜੋੜਨ ਲਈ ਵਿਸ਼ੇਸ਼ ਤੌਰ ਤੇ ਬੇਨਤੀ ਕੀਤੀ ਅਤੇ ਅਧਿਕਾਰਤ ਕੀਤਾ ਹੈ।
ਦਸਤਾਵੇਜ਼ੀ ਸਬੂਤਾਂ ਦੀਆਂ ਹੇਠ ਦਿੱਤੀਆਂ ਉਦਾਹਰਨਾਂ, ਜੋ ਇਸ ਅਨੁਮਾਨ ਸੰਬੰਧਿਤ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਵਰਤੀਆਂ ਜਾ ਸਕਦੀਆਂ ਹਨ:
- ਇੱਕ ਮਹਿਮਾਨ ਦਾ ਬਿਲ ਜੋ ਕਿ ਗਾਹਕ ਨੂੰ ਦਿੱਤਾ ਗਿਆ ਹੈ, ਜਿਸ ਵਿੱਚ ਵਿਕਰੀ ਟੈਕਸ ਦਾ ਮੁਆਵਜ਼ਾ ਅਤੇ ਉਹ ਰਕਮ ਜਿਸ ਦੀ ਗਣਨਾ "ਟਿਪ" ਦੇ ਬਿਨਾਂ ਕੀਤੀ ਗਈ ਹੈ ਜਾਂ "ਟਿਪ" ਵਾਲਾਂ ਖੇਤਰ ਖਾਲੀ ਛੱਡਿਆ ਗਿਆ ਹੈ ਅਤੇ ਇੱਕ ਵੱਖਰਾ ਦਸਤਾਵੇਜ਼ ਦਿੱਤਾ ਗਿਆ ਹੈ ਜਿਵੇਂ ਕਿ ਕ੍ਰੈਡਿਟ ਕਾਰਡ ਰਸੀਦ, ਜਿਸ ਵਿੱਚ ਰਿਟੇਲਰ ਬੇਨਤੀ ਕੀਤੀ ਗਈ ਰਕਮ ਨੂੰ ਜੋੜਦਾ ਜਾਂ ਪ੍ਰਿੰਟ ਕਰਦਾ ਹੈ।
- ਮਹਿਮਾਨਾਂ ਦੀਆਂ ਰਸੀਦਾਂ ਅਤੇ ਭੁਗਤਾਨ ਦਰਸ਼ਾਉਂਦੇ ਹਨ ਕਿ ਵੱਡੀਆਂ ਪਾਰਟੀਆਂ ਦੁਆਰਾ ਅਦਾ ਕੀਤੀਆਂ ਰਕਮਾਂ ਦੀ ਪ੍ਰਤੀਸ਼ਤ, ਮੀਨੂ, ਬਰੋਸ਼ਰ, ਇਸ਼ਤਿਹਾਰ, ਜਾਂ ਹੋਰ ਪ੍ਰਿੰਟ ਕੀਤੀ ਸਮੱਗਰੀ ਤੇ ਦੱਸੇ ਗਏ ਪ੍ਰਤੀਸ਼ਤ ਨਾਲੋਂ ਵੱਖਰੀ ਹੁੰਦੀ ਹੈ।
- ਇੱਕ ਰਿਟੇਲਰ ਦੀ ਲਿਖਤੀ ਨੀਤੀ ਦੱਸਦੀ ਹੈ ਕਿ ਇਸਦੇ ਕਰਮਚਾਰੀਆਂ ਨੂੰ ਵਾਧੂ ਪ੍ਰਮਾਣਿਤ ਸਬੂਤ ਦੇ ਨਾਲ ਇੱਕ ਰਕਮ ਜੋੜਨ ਤੋਂ ਪਹਿਲਾਂ ਗਾਹਕ ਕੋਲੋਂ ਇਸ ਗੱਲ ਦੀ ਪੁਸ਼ਟੀ ਪ੍ਰਾਪਤ ਕਰਨੀ ਚਾਹੀਦੀ ਹੈ ਕਿ ਨੀਤੀ ਲਾਗੂ ਕੀਤੀ ਗਈ ਹੈ। ਨੀਤੀ ਆਪਣੇ ਆਪ ਵਿੱਚ ਇਹ ਸਥਾਪਿਤ ਕਰਨ ਲਈ ਉਪਯੁਕਤ ਦਸਤਾਵੇਜ਼ ਨਹੀਂ ਹੈ ਕਿ ਗਾਹਕ ਨੇ ਬੇਨਤੀ ਕੀਤੀ ਹੈ ਅਤੇ ਅਧਿਕਾਰਤ ਕੀਤਾ ਹੈ ਕਿ ਰਕਮ ਨੂੰ ਅਜਿਹੇ ਵਾਧੂ ਪ੍ਰਮਾਣਿਤ ਸਬੂਤਾਂ ਤੋਂ ਬਿਨਾਂ ਬਿਲ ਵਿੱਚ ਸ਼ਾਮਲ ਕੀਤਾ ਜਾਵੇ।
ਕਿਰਪਾ ਕਰਕੇ ਇਹ ਦਿਖਾਉਣ ਲਈ ਮਹਿਮਾਨਾਂ ਦੇ ਬਿਲ ਅਤੇ ਕੋਈ ਵੀ ਵਾਧੂ ਵੱਖਰੇ ਦਸਤਾਵੇਜ਼ ਰੱਖੋ ਕਿ ਟਿਪ, ਗ੍ਰੈਚੁਟੀ, ਜਾਂ ਸਰਵਿਸ ਚਾਰਜ਼ ਵਿਕਲਪਿਕ ਹਨ। ਤੁਹਾਨੂੰ ਨਿਯਮ 1698, ਰਿਕਾਰਡ ਦੀਆਂ ਲੋੜਾਂ ਦੇ ਅਨੁਸਾਰ ਹੋਰ ਰਿਕਾਰਡ ਬਣਾਏ ਰੱਖਣਾ ਜ਼ਰੂਰੀ ਹੈ।
ਕੋਈ ਵੀ ਰੁਜ਼ਗਾਰਦਾਤਾ ਕੋਈ ਗ੍ਰੈਚੁਟੀ ਜਾਂ ਉਸ ਗ੍ਰੈਚੁਟੀ ਦਾ ਹਿੱਸਾ ਇਕੱਠਾ ਨਹੀਂ ਕਰੇਗਾ, ਨਾ ਹੀ ਲਵੇਗਾ ਜਾਂ ਨਾ ਹੀ ਪ੍ਰਾਪਤ ਕਰੇਗਾ, ਜੋ ਕਿਸੇ ਨਿੱਤ ਦੇ ਗਾਹਕ ਦੁਆਰਾ ਕਿਸੇ ਕਰਮਚਾਰੀ ਨੂੰ ਭੁਗਤਾਨ ਕੀਤਾ ਜਾਂਦਾ ਹੈ, ਦਿੱਤਾ ਜਾਂਦਾ ਹੈ, ਜਾਂ ਛੱਡਿਆ ਜਾਂਦਾ ਹੈ, ਜਾਂ ਨਾ ਹੀ ਅਜਿਹੀ ਗ੍ਰੈਚੁਟੀ ਦੇ ਕਾਰਨ ਕਰਮਚਾਰੀ ਦੇ ਬਕਾਇਆ ਵੇਤਨ ਵਿੱਚੋਂ ਕੋਈ ਵੀ ਰਕਮ ਕੱਟੇਗਾ, ਜਾਂ ਕਿਸੇ ਕਰਮਚਾਰੀ ਨੂੰ ਰਕਮ ਉਧਾਰ ਦੇਵੇਗਾ, ਜਾਂ ਇਸ ਦਾ ਕੋਈ ਵੀ ਹਿੱਸਾ, ਅਜਿਹੇ ਗ੍ਰੈਚੁਟੀ ਦੇ ਖਿਲਾਫ਼ ਅਤੇ ਰੂਜਗਾਰਦਾਤਾ ਤੋਂ ਕਰਮਚਾਰੀ ਦੇ ਬਕਾਇਆ ਵੇਤਨ ਦੇ ਹਿੱਸੇ ਵਜੋਂ ਦਵੇਗਾ, ਜਿਵੇਂ ਕਿ ਲੇਬਰ ਕੋਡ ਸੈਕਸ਼ਨ 351 ਵਿੱਚ ਪ੍ਰਦਾਨ ਕੀਤਾ ਗਿਆ ਹੈ। ਜੇਕਰ ਇਸ ਪਾਬੰਦੀ ਦੀ ਉਲੰਘਣਾ ਕੀਤੀ ਜਾਂਦੀ ਹੈ, ਤਾਂ ਰੁਜ਼ਗਾਰਦਾਤਾ ਦੁਆਰਾ ਪ੍ਰਾਪਤ ਕੀਤੀ ਗਈ ਕੋਈ ਵੀ ਰਕਮ ਨੂੰ ਰੁਜ਼ਗਾਰਦਾਤਾ ਦੀਆਂ ਕੁੱਲ ਆਮਦਨਾਂ ਦਾ ਹਿੱਸਾ ਮੰਨਿਆ ਜਾਵੇਗਾ ਅਤੇ ਟੈਕਸ ਦੇ ਅਧੀਨ ਹੋਵੇਗਾ।
ਸੇਵਾ ਖਰਚੇ (ਸਰਵਿਸ ਚਾਰਜ਼)
ਗੈਰ-ਸੰਬੰਧਿਤ ਸੇਵਾ ਖਰਚੇ (ਸਰਵਿਸ ਚਾਰਜ਼)
ਖਾਣੇ, ਭੋਜਨ, ਜਾਂ ਪੀਣ ਵਾਲੇ ਪਦਾਰਥਾਂ ਨੂੰ ਬਣਾਉਣ ਅਤੇ ਪਰੋਸਣ ਨਾਲ ਸੰਬੰਧਿਤ ਸੇਵਾਵਾਂ ਲਈ ਵੱਖਰੇ ਤੌਰ ਤੇ ਦੱਸੇ ਗਏ ਖਰਚਿਆਂ ਤੇ ਟੈਕਸ ਲਾਗੂ ਨਹੀਂ ਹੁੰਦਾ, ਜਿਵੇਂ ਕਿ ਵਿਕਲਪਿਕ ਮਨੋਰੰਜਨ ਜਾਂ ਕੋਈ ਵੀ ਕਰਮਚਾਰੀ ਜੋ ਖਾਣੇ, ਭੋਜਨ, ਜਾਂ ਪੀਣ ਵਾਲੇ ਪਦਾਰਥਾਂ ਦੀ ਤਿਆਰੀ, ਫਰਨੀਚਰ ਜਾਂ ਸੇਵਾ ਵਿੱਚ ਸਿੱਧੇ ਤੌਰ ਤੇ ਹਿੱਸਾ ਨਹੀਂ ਲੈਂਦਾ। ਉਦਾਹਰਣ ਲਈ:
- ਕੋਟ-ਚੇਕ ਕਲਰਕ
- ਪਾਰਕਿੰਗ ਅਟੈਂਡੈਂਟ
- ਸੁਰੱਖਿਆ ਗਾਰਡ
ਟੈਕਸਯੋਗ ਅਤੇ ਗੈਰ-ਟੈਕਸਯੋਗ ਸੇਵਾਵਾਂ ਲਈ ਇਕੱਠੀ ਕੀਤੀ ਗਈ ਟਿਪ
ਜੇਕਰ ਤੁਹਾਡੇ ਇਕਰਾਰਨਾਮੇ ਦੇ ਮੁਤਾਬਕ ਤੁਹਾਡੇ ਗਾਹਕ ਨੂੰ ਤੁਹਾਡੇ ਹੋਰ ਖਰਚਿਆਂ ਤੋਂ ਅਲਾਵਾ ਇੱਕਮੁਸ਼ਤ ਟਿਪ ਦਾ ਭੁਗਤਾਨ ਕਰਨਾ ਪੈਂਦਾ ਹੈ, ਤਾਂ ਟੈਕਸ ਸਿੱਧੇ ਤੌਰ ਤੇ ਖਾਣੇ ਦੀ ਤਿਆਰੀ ਅਤੇ ਸੇਵਾ ਨਾਲ ਸਬੰਧਤ ਸਾਰੇ ਖਰਚਿਆਂ ਤੇ ਲਾਗੂ ਹੁੰਦਾ ਹੈ। ਲੇਕਿਨ ਜੇਕਰ ਤੁਸੀਂ ਟਿਪ ਨੂੰ ਉਹਨਾਂ ਕਰਮਚਾਰੀਆਂ ਵਿੱਚ ਵੰਡਦੇ ਹੋ ਜੋ ਭੋਜਨ ਤਿਆਰ ਕਰਦੇ ਹਨ ਅਤੇ ਪਰੋਸਦੇ ਹਨ ਅਤੇ ਜੋ ਪਾਰਕਿੰਗ ਪ੍ਰਦਾਨ ਕਰਦੇ ਹਨ, ਤਾਂ ਪਾਰਕਿੰਗ ਅਟੈਂਡੈਂਟ ਨੂੰ ਅਦਾ ਕੀਤਾ ਹਿੱਸਾ ਟੈਕਸਯੋਗ ਨਹੀਂ ਹੈ। ਤੁਹਾਡੇ ਇਨਵੌਇਸ ਅਤੇ ਕਾਰੋਬਾਰੀ ਰਿਕਾਰਡ ਵਿੱਚ ਹਰੇਕ ਕਿਸਮ ਦੇ ਕਰਮਚਾਰੀ ਅਤੇ ਪ੍ਰਦਾਨ ਕੀਤੀ ਗਈ ਸੇਵਾ ਲਈ ਭੁਗਤਾਨ ਕੀਤੇ ਗਏ ਖਾਸ ਪ੍ਰਤੀਸ਼ਤ ਜਾਂ ਰਕਮ ਦਾ ਸਪੱਸ਼ਟ ਤੌਰ ਤੇ ਦਸਤਾਵੇਜ਼ ਹੋਣਾ ਚਾਹੀਦਾ ਹੈ।
ਗੈਰ-ਟੈਕਸਯੋਗ ਵਿਕਰੀ ਨਾਲ ਸਬੰਧਤ ਵਿਕਲਪਿਕ ਸਰਵਿਸ ਚਾਰਜ਼ ਨੂੰ ਹੇਠ ਦਿੱਤੇ ਦੁਆਰਾ ਵੱਖ ਕੀਤਾ ਜਾ ਸਕਦਾ ਹੈ:
- ਇਨਵੌਇਸ ਤੇ ਟੈਕਸਯੋਗ ਖਰਚਿਆਂ ਦੀ ਇੱਕ ਵੱਖਰੀ ਸੂਚੀ ਬਣਾਉਣਾ
- ਵਿਕਰੀ ਟੈਕਸ ਨੂੰ ਵੱਖਰੇ ਤੌਰ ਤੇ ਦਰਸ਼ਾਉਣਾ
- ਟੈਕਸਯੋਗ ਅਤੇ ਗੈਰ-ਟੈਕਸਯੋਗ ਖਰਚਿਆਂ ਦੇ ਵੱਖ-ਵੱਖ ਰਿਕਾਰਡ ਰੱਖਣਾ
ਕਵਰ ਚਾਰਜ
ਕਵਰ ਚਾਰਜ ਟੈਕਸਯੋਗ ਹੈ ਜੇਕਰ ਇਹ ਤੁਹਾਡੇ ਗ੍ਰਾਹਕ ਨੂੰ ਪਰਿਸਰ ਵਿੱਚ ਪਰੋਸੇ ਜਾਣ ਵਾਲੇ ਭੋਜਨ ਜਾਂ ਪੀਣ ਵਾਲੇ ਪਦਾਰਥਾਂ ਲਈ ਵਾਧੂ ਰਕਮ ਦਾ ਭੁਗਤਾਨ ਕੀਤੇ ਬਿਨਾਂ ਸੇਵਨ ਕਰਨ ਦੀ ਇਜਾਜ਼ਤ ਦਿੰਦਾ ਹੈ। ਇਹ ਉਦੋਂ ਵੀ ਸੱਚ ਹੈ, ਜਦੋਂ ਗਾਹਕ ਕਿਸੇ ਵੀ ਭੋਜਨ ਜਾਂ ਪੀਣ ਵਾਲੇ ਪਦਾਰਥ ਦਾ ਸੇਵਨ ਨਹੀਂ ਕਰਦਾ ਹੈ, ਜਾਂ ਜਦੋਂ ਭੋਜਨ ਜਾਂ ਪੀਣ ਵਾਲੇ ਪਦਾਰਥਾਂ ਦਾ ਮੁੱਲ ਕਵਰ ਚਾਰਜ ਤੋਂ ਘੱਟ ਹੈ। ਸਿਰਫ਼ ਆਉਣ ਲਈ ਵੱਖਰੇ ਕਵਰ ਚਾਰਜ਼ ਟੈਕਸਯੋਗ ਨਹੀਂ ਹਨ।
ਕੋਰਕੇਜ ਚਾਰਜ
ਗਾਹਕ ਦੁਆਰਾ ਸੇਵਨ ਕੀਤੇ ਜਾਣ ਵਾਲੇ ਪੀਣ ਵਾਲੇ ਪਦਾਰਥਾਂ ਦੇ ਢੱਕਣ ਨੂੰ ਖੋਲ੍ਹਣ ਅਤੇ ਪਰੋਸਣ ਦੇ ਖਰਚੇ ਆਮ ਤੌਰ ਤੇ ਟੈਕਸਯੋਗ ਹੁੰਦੇ ਹਨ।
ਸਿਹਤ ਸਰਚਾਰਜ
ਸਿਹਤ ਬੀਮੇ ਦੇ ਰੂਜਗਾਰਦਾਤਾ ਦੇ ਹਿੱਸੇ ਨੂੰ ਕਵਰ ਕਰਨ ਲਈ ਜੋ ਉਹ ਆਪਣੇ ਕਰਮਚਾਰੀਆਂ ਨੂੰ ਪ੍ਰਦਾਨ ਕਰਦੇ ਹਨ, ਕਨੂੰਨ ਅਨੁਸਾਰ, ਸੈਨ ਫਰਾਂਸਿਸਕੋ ਸ਼ਹਿਰ ਦੇ ਰੈਸਟੋਰੈਂਟ ਕੋਲ ਜਾਂ ਤਾਂ ਆਪਣੀਆਂ ਕੀਮਤਾਂ ਵਧਾਉਣ ਜਾਂ ਭੋਜਨ ਦੇ ਹਰੇਕ ਬਿਲ ਲਈ "ਸਿਹਤ ਸਰਚਾਰਜ" ਦੀ ਲਾਗਤ ਜੋੜਨ ਦਾ ਵਿਕਲਪ ਹੈ। ਇਸ ਤੱਥ ਦੇ ਬਾਵਜੂਦ ਕਿ ਇਹ ਇੱਕ ਸਰਕਾਰ ਵੱਲੋਂ ਲਾਜ਼ਮੀ ਹੈ, CDTFA ਦੁਆਰਾ ਇਸਦੀ ਵਿਆਖਿਆ ਭੋਜਨ ਦੀ ਕੀਮਤ ਵਿੱਚ ਵਾਧੇ ਵਜੋਂ ਕੀਤੀ ਗਈ ਹੈ ਅਤੇ ਇਸਲਈ ਇਹ California ਵਿਕਰੀ ਟੈਕਸ ਦੇ ਅਧੀਨ ਹੈ।