ਸ਼ਿਪਿੰਗ ਅਤੇ ਡਿਲਿਵਰੀ ਖਰਚੇ (ਪ੍ਰਕਾਸ਼ਨ 100)

California ਵਿਕਰੀ ਟੈਕਸ ਡਿਲੀਵਰੀ, ਸ਼ਿਪਿੰਗ, ਅਤੇ ਹੈਂਡਲਿੰਗ ਲਈ ਖਰਚਿਆਂ ਤੇ ਲਾਗੂ ਹੋ ਸਕਦਾ ਹੈ। ਤੁਹਾਡੇ ਵਪਾਰ ਵਿੱਚ ਟੈਕਸ ਨੂੰ ਸਹੀ ਢੰਗ ਨਾਲ ਲਾਗੂ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ, ਅਸੀਂ ਤਤਕਾਲ ਸੰਦਰਭ ਗਾਈਡ ਬਣਾਈ ਹੈ (ਵਿਕਰੀ ਟੈਕਸ ਲਾਗੂ ਕਰਨਾ ਵੇਖੋ) । ਇਹ ਆਮ ਸ਼ਿਪਿੰਗ ਸਥਿਤੀਆਂ ਅਤੇ ਖਰਚਿਆਂ ਦੀਆਂ ਉਦਾਹਰਨਾਂ ਦਿੰਦਾ ਹੈ ਅਤੇ ਦੱਸਦਾ ਹੈ ਕਿ ਹਰੇਕ ਸਥਿਤੀ ਵਿੱਚ ਵਿਕਰੀ ਟੈਕਸ ਕਿਵੇਂ ਲਾਗੂ ਹੁੰਦਾ ਹੈ। ਚਾਰਟ ਵਿੱਚ ਦਿੱਤੇ ਨੋਟਸ ਅਤੇ ਅਪਵਾਦਾਂ ਨੂੰ ਜ਼ਰੂਰ ਪੜ੍ਹੋ ("ਫਾਈਨ ਪ੍ਰਿੰਟ") ਅਤੇ ਯਾਦ ਰੱਖੋ ਕਿ ਤੁਹਾਡੀ ਖਾਸ ਵਿਕਰੀ ਤੇ ਇੱਕ ਤੋਂ ਵੱਧ ਸ਼ਰਤਾਂ ਲਾਗੂ ਹੋ ਸਕਦੀਆਂ ਹਨ। ਤਤਕਾਲ ਸੰਦਰਭ ਗਾਈਡ ਦੀ ਸਮੀਖਿਆ ਕਰਨ ਤੋਂ ਪਹਿਲਾਂ ਕਿਰਪਾ ਕਰਕੇ ਹੇਠਾਂ ਦਿੱਤੀ ਮੁਢਲੀ ਜਾਣਕਾਰੀ ਤੇ ਵਿਚਾਰ ਕਰੋ।

ਇਸ ਗੱਲ ਨੂੰ ਸੁਨਿਸ਼ਚਿਤ ਕਰੋ ਕਿ ਤੁਹਾਡੇ ਬਿਲ ਠੀਕ ਹਨ

ਇਹ ਸੁਨਿਸ਼ਚਿਤ ਕਰੋ ਕਿ ਤੁਹਾਡੇ ਬਿਲ ਅਤੇ ਰਸੀਦਾਂ ਡਿਲੀਵਰੀ-ਸਬੰਧਤ ਖਰਚਿਆਂ ਦਾ ਵਰਣਨ ਕਰਨ ਲਈ ਖਾਸ ਸ਼ਬਦਾਂ ਦੀ ਵਰਤੋਂ ਕਰਦੇ ਹਨ। ਜੇਕਰ ਤੁਸੀਂ ਸ਼ਿਪਿੰਗ ਲਈ ਖਰਚਾ ਲੈ ਰਹੇ ਹੋ, ਜਿਸ ਉੱਤੇ ਟੈਕਸ ਨਹੀਂ ਲਗ ਸਕਦਾ ਹੈ, ਤਾਂ ਸ਼ਿਪਿੰਗ, ਡਿਲੀਵਰੀ, ਮਾਲ-ਭਾੜਾ ਜਾਂ ਡਾਕ ਵਰਗੇ ਸ਼ਬਦਾਂ ਦੀ ਵਰਤੋਂ ਕਰੋ। ਜੇ ਤੁਸੀਂ ਹੈਂਡਲਿੰਗ ਲਈ ਖਰਚਾ ਲੈ ਰਹੇ ਹੋ, ਜਿਸ ਉੱਤੇ ਟੈਕਸ ਲੱਗੇਗਾ, ਤਾਂ ਆਪਣੇ ਬਿਲ ਤੇ ਉਸ ਸ਼ਬਦ ਦੀ ਵਰਤੋਂ ਕਰਨਾ ਸੁਨਿਸ਼ਚਿਤ ਕਰੋ। ਇਸ ਨਾਲ ਤੁਹਾਨੂੰ ਇਹ ਤੈਅ ਕਰਨ ਵਿੱਚ ਮਦਦ ਮਿਲੇਗੀ ਕਿ ਟੈਕਸ ਕਿਵੇਂ ਲਾਗੂ ਕਰਨਾ ਹੈ ਅਤੇ ਤੁਹਾਡੇ ਗਾਹਕਾਂ ਲਈ ਚੀਜ਼ ਹੋਰ ਸਪੱਸ਼ਟ ਹੋ ਜਾਣਗੀਆਂ। ਜੇ ਅਸੀਂ ਤੁਹਾਡੇ ਰਿਕਾਰਡਾਂ ਦਾ ਆਡਿਟ ਕਰਦੇ ਹਾਂ ਤਾਂ ਇਸ ਨਾਲ ਸਾਰੀਆਂ ਲਈ ਕੰਮ ਆਸਾਨ ਹੋ ਜਾਵੇਗਾ।

ਵਧੀਆ ਰਿਕਾਰਡ ਬਣਾ ਕੇ ਰੱਖੋ

ਅਜਿਹੇ ਵਧੀਆ ਰਿਕਾਰਡ ਰੱਖਣਾ ਮਹੱਤਵਪੂਰਨ ਹੈ ਜੋ ਤੁਹਾਡੇ ਸ਼ਿਪਿੰਗ ਖਰਚਿਆਂ ਦਾ ਪੂਰੀ ਤਰ੍ਹਾਂ ਦਸਤਾਵੇਜ਼ੀਕਰਣ ਕਰਦੇ ਹਨ। ਦਸਤਾਵੇਜ ਦੁਆਰਾ ਪ੍ਰਮਾਣ ਦੇ ਸਵੀਕਾਰਯੋਗ ਰੂਪਾਂ ਵਿੱਚ ਹੇਠ ਦਿੱਤੇ ਸ਼ਾਮਲ ਹਨ:

• ਡਿਲਿਵਰੀ ਦੇ ਬਿਲ
• ਮਾਲ-ਭਾੜੇ ਦੇ ਬਿਲ
• ਐਕਸਪ੍ਰੈਸ ਰਸੀਦਾਂ ਜਾਂ ਐਕਸਪ੍ਰੈਸ ਕੰਪਨੀ ਬਿਲ
• ਪਾਰਸਲ ਡਾਕ ਰਾਹੀਂ ਭੇਜਣ ਦੀਆਂ ਰਸੀਦਾਂ ਜਾਂ ਮਾਲ ਭੇਜਣ ਦੇ ਰਿਕਾਰਡ
• ਵਿਕਰੀ ਬਿਲ ਵਿੱਚ ਦਿਖਾਏ ਜਾਣ ਵਾਲੇ ਆਵਾਜਾਈ ਦੇ ਖਰਚੇ ਅਤੇ ਸ਼ਿਪਿੰਗ ਹਿਦਾਇਤਾਂ
• ਤੁਹਾਡੇ ਡਿਲੀਵਰੀ ਖਰਚੇ ਦਾ ਸਮਰਥਨ ਕਣ ਵਾਲਿਆਂ ਡਿਲਿਵਰੀ ਰਸੀਦਾਂ ਅਤੇ ਖਰਚੇ ਦੇ ਵਾਊਚਰ
• ਡਿਲੀਵਰੀ ਦੀ ਲੋੜ ਅਤੇ ਮੁਕੰਮਲ ਹੋਣ ਬਾਰੇ ਦੱਸਣ ਵਾਲਾਂ ਪੱਤਰ ਵਿਹਾਰ
• ਅਧਿਕਾਰ ਟ੍ਰਾਂਸਫਰ ਸਮਝੌਤੇ

ਕਿਰਪਾ ਕਰਕੇ ਨੋਟ ਕਰੋ: ਜੇਕਰ ਤੁਸੀਂ ਇੱਕ ਵਿਅਕਤੀਗਤ ਡਿਲੀਵਰੀ ਦੀ ਅਸਲ ਕੀਮਤ ਨੂੰ ਦਰਸ਼ਾਉਣ ਵਾਲੇ ਰਿਕਾਰਡ ਨਹੀਂ ਰੱਖਦੇ, ਤਾਂ ਟੈਕਸ ਤੁਹਾਡੇ ਪੂਰੇ ਡਿਲੀਵਰੀ ਖਰਚੇ ਤੇ ਲਾਗੂ ਹੁੰਦਾ ਹੈ ਜੇਕਰ ਇਹ ਟੈਕਸਯੋਗ ਵਿਕਰੀ ਦੇ ਸਬੰਧ ਵਿੱਚ ਕੀਤਾ ਗਿਆ ਹੈ।

ਆਪਣੀ ਵਿਕਰੀ ਅਤੇ ਵਰਤੋਂ ਟੈਕਸ ਰਿਟਰਨ ਭਰਨ ਵੇਲੇ ਧਿਆਨ ਰੱਖੋ

ਤੁਹਾਨੂੰ ਆਪਣੀ ਵਿਕਰੀ ਅਤੇ ਵਰਤੋਂ ਟੈਕਸ ਰਿਟਰਨ ਤੇ ਰਿਪੋਰਟਿੰਗ ਮਿਆਦ ਲਈ ਆਪਣੀ ਕੁੱਲ ਵਿਕਰੀ ਦੀ ਰਿਪੋਰਟ ਕਰਨੀ ਹੋਵੇਗੀ। ਜੇਕਰ ਤੁਹਾਡੀ ਕੁੱਲ ਵਿਕਰੀ ਵਿੱਚ ਬਿਨਾਂ ਟੈਕਸ ਵਾਲੇ ਡਿਲੀਵਰੀ ਖਰਚੇ ਸ਼ਾਮਲ ਹਨ, ਤਾਂ ਤੁਹਾਨੂੰ "ਹੋਰ" ਕਟੌਤੀਆਂ ਵਾਂਗ ਉਹਨਾਂ ਰਕਮਾਂ ਲਈ ਕਟੌਤੀ ਲੈਣੀ ਚਾਹੀਦੀ ਹੈ। ਜੇਕਰ ਤੁਸੀਂ ਕਟੌਤੀ ਨਹੀਂ ਲੈਂਦੇ ਹੋ, ਤਾਂ ਤੁਹਾਨੂੰ ਆਪਣੀ ਬਕਾਇਆ ਰਕਮ ਤੋਂ ਵੱਧ ਟੈਕਸ ਦਾ ਭੁਗਤਾਨ ਕਰਨਾ ਪਵੇਗਾ।

ਨੋਟ: ਜਿਵੇਂ ਕੀ ਉੱਪਰ ਦੱਸਿਆ ਗਿਆ ਹੈ, ਇਹ ਪ੍ਰਕਾਸ਼ਨ ਲਿਖੇ ਜਾਣ ਤਕ ਉਸਦੇ ਕਾਨੂੰਨ ਅਤੇ ਲਾਗੂ ਹੋਣ ਵਾਲੇ ਨਿਯਮਾਂ ਦਾ ਸਾਰ ਦਿੰਦਾ ਹੈ। ਹਾਲਾਂਕਿ, ਉਸ ਸਮੇਂ ਤੋਂ ਕਾਨੂੰਨ ਜਾਂ ਨਿਯਮਾਂ ਵਿੱਚ ਬਦਲਾਅ ਹੋ ਸਕਦੇ ਹਨ। ਜੇਕਰ ਇਸ ਪ੍ਰਕਾਸ਼ਨ ਅਤੇ ਕਨੂੰਨ ਵਿੱਚ ਲਿਖਤ ਵਿੱਚ ਕੋਈ ਟਕਰਾਅ ਹੈ, ਤਾਂ ਫੈਸਲੇ ਕਾਨੂੰਨ ਦੇ ਅਧਾਰ 'ਤੇ ਹੋਵੇਗਾ ਨਾ ਕਿ ਇਸ ਪ੍ਰਕਾਸ਼ਨ ਤੇ ਹੋਵੇਗਾ।