ਰਿਫੰਡ ਲਈ ਦਾਅਵਾ ਫਾਇਲ ਕਰਨਾ (Publication 117)

ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਆਪਣੇ ਬਕਾਇਆ ਰਕਮ ਤੋਂ ਵੱਧ ਰਕਮ ਦੇ ਟੈਕਸ ਜਾਂ ਫੀਸ (ਟੈਕਸ) ਦਾ ਭੁਗਤਾਨ ਕੀਤਾ ਹੈ, ਤਾਂ ਤੁਸੀਂ ਰਿਫੰਡ ਲਈ ਦਾਅਵਾ ਫਾਇਲ ਕਰ ਸਕਦੇ ਹੋ। ਇਹ ਪ੍ਰਕਾਸ਼ਨ ਦੱਸਦਾ ਹੈ ਕਿ ਦਾਅਵਾ ਕਿਵੇਂ ਫਾਇਲ ਕਰਨਾ ਹੈ ਅਤੇ ਤੁਹਾਨੂੰ ਕੀ ਉਮੀਦ ਕਰਨੀ ਚਾਹੀਦੀ ਹੈ।

ਮੈਂ ਦਾਅਵਾ ਕਿਵੇਂ ਫਾਇਲ ਕਰਾਂ?

ਤੁਹਾਨੂੰ ਆਪਣੇ ਦਾਅਵੇ ਤੇ ਦਸਤਖਤ ਕਰਨੇ ਚਾਹੀਦੇ ਹਨ ਅਤੇ ਮਿਤਿ ਪਾਣੀ ਚਹੀਦੀ ਹੈ। ਕਿਰਪਾ ਕਰਕੇ ਆਪਣਾ ਟੈਲੀਫ਼ੋਨ ਨੰਬਰ ਦਰਜ਼ ਕਰੋ ਤਾਂ ਜੋ ਜੇਕਰ ਸਾਡੇ ਕੋਈ ਸਵਾਲ ਹਨ ਜਾਂ ਸਾਨੂੰ ਹੋਰ ਜਾਣਕਾਰੀ ਦੀ ਲੋੜ ਹੈ ਤਾਂ ਅਸੀਂ ਤੁਹਾਡੇ ਨਾਲ ਸੰਪਰਕ ਕਰ ਸਕੀਏ। ਆਪਣੇ ਦਾਅਵੇ ਦੀ ਪ੍ਰਕਿਰਿਆ ਦੀ ਜਲ੍ਹਦ ਕਾਰਵਾਈ ਕਰਵਾਉਣ ਲਈ, ਤੁਹਾਨੂੰ ਆਪਣੇ ਦਾਅਵੇ ਦੇ ਨਾਲ ਸਹਾਇਕ ਦਸਤਾਵੇਜ਼ ਜਿਵੇਂ ਕਿ ਬਿਲ ਜਾਂ ਛੋਟ ਦੇ ਸਰਟੀਫਿਕੇਟ ਦੀਆਂ ਕਾਪੀਆਂ ਅਤੇ ਕੋਈ ਵੀ ਸੰਸ਼ੋਧਿਤ ਰਿਟਰਨਾਂ ਭੇਜਣੀਆਂ ਚਾਹੀਦੀਆਂ ਹਨ। ਵਧੇਰੀ ਜਾਣਕਾਰੀ ਲਈ, ਲੋੜੀਂਦੀ ਜਾਣਕਾਰੀ ਦੇਖੋ।

ਮੈਂ ਆਪਣਾ ਕਾਗਜ਼ੀ ਦਾਅਵਾ ਕਿੱਥੇ ਭੇਜਾਂ?

ਰਿਫੰਡ ਲਈ ਦਾਅਵਾ ਫਾਇਲ ਕਰਨ ਦੀ ਆਖਰੀ ਮਿਤੀ ਕੀ ਹੈ?

ਬਿਲਿੰਗ ਲਈ ਕਿਸ਼ਤ ਦਾ ਭੁਗਤਾਨ ਕੀਤਾ ਗਿਆ

ਜੇਕਰ ਤੁਸੀਂ ਅੰਤਮ ਅਦਾਲਤੀ ਫੈਸਲੇ ਦੇ ਨੋਟਿਸ (ਬਿਲਿੰਗ) ਤੇ ਕਿਸ਼ਤਾਂ ਦਾ ਭੁਗਤਾਨ ਕਰ ਰਹੇ ਹੋ ਅਤੇ ਆਪਣੀ ਟੈਕਸ ਦੇਣਦਾਰੀ ਬਾਰੇ ਵਿਵਾਦ ਕਰ ਰਹੇ ਹੋ, ਤਾਂ ਤੁਸੀਂ ਉਸ ਬਿਲਿੰਗ ਤੇ ਲਾਗੂ ਹੋਣ ਵਾਲੇ ਸਾਰੇ ਭਵਿੱਖੀ ਭੁਗਤਾਨਾਂ ਅਤੇ ਕੋਈ ਵੀ ਪੂਰਵ ਭੁਗਤਾਨ ਜੋ ਸੀਮਾਵਾਂ ਦੇ ਲਾਗੂ ਕਾਨੂੰਨ ਦੇ ਅੰਦਰ ਰਹਿੰਦਾ ਹੈ, ਨੂੰ ਕਵਰ ਕਰਨ ਲਈ ਰਿਫੰਡ ਲਈ ਇੱਕ ਸਮੇਂ ਸਿਰ ਦਾਅਵਾ ਫਾਇਲ ਕਰ ਸਕਦੇ ਹੋ। ਜੇਕਰ ਤੁਸੀਂ ਇੱਕ ਤੋਂ ਵੱਧ ਬਿਲਿੰਗ ਬਾਰੇ ਵਿਵਾਦ ਕਰ ਰਹੇ ਹੋ, ਤਾਂ ਤੁਹਾਨੂੰ ਹਰੇਕ ਵੱਖਰੀ ਬਿਲਿੰਗ ਦੇ ਰਿਫੰਡ ਲਈ ਸਮੇਂ ਸਿਰ ਦਾਅਵਾ ਫਾਇਲ ਕਰਨਾ ਚਾਹੀਦਾ ਹੈ।

DMV ਨੂੰ ਭੁਗਤਾਨ ਕੀਤੇ ਗਏ ਟੈਕਸ ਲਈ ਰਿਫੰਡ ਜਾਂ ਕ੍ਰੈਡਿਟ ਦਾ ਦਾਅਵਾ

ਜੇਕਰ ਤੁਸੀਂ ਕਿਸੇ ਪ੍ਰਾਈਵੇਟ-ਪਾਰਟੀ ਦੀ ਵਿਕਰੀ (ਕਿਸੇ ਰਜਿਸਟਰਡ ਡੀਲਰ ਤੋਂ ਨਹੀਂ) ਰਾਹੀਂ ਕੋਈ ਵਾਹਨ ਖਰੀਦਦੇ ਹੋ, ਤਾਂ ਤੁਹਾਡੇ ਲਈ ਇਸਨੂੰ DMV ਨਾਲ ਰਜਿਸਟਰ ਕਰਨਾ ਲਾਜ਼ਮੀ ਹੈ। ਆਮ ਤੌਰ 'ਤੇ, DMV ਉਸ ਸਥਾਨ ਦੇ ਪਤੇ ਦੇ ਆਧਾਰ ਤੇ ਤੁਹਾਡੇ ਤੋਂ ਲੈਣ-ਦੇਣ ਤੇ ਵਰਤੋਂ ਟੈਕਸ ਵਸੂਲ ਕਰੇਗਾ ਜਿੱਥੇ ਵਾਹਨ ਰਜਿਸਟਰ ਕੀਤਾ ਗਿਆ ਹੈ। ਕੁਝ ਮਾਮਲਿਆਂ ਵਿੱਚ, ਜਦੋਂ ਪਤਾ ਕਿਸੇ ਸ਼ਹਿਰ ਜਾਣ ਕਾਉਂਟੀ ਲਾਈਨ ਨੂੰ ਪਾਰ ਕਰਨ ਵਾਲੇ ਜ਼ਿਪ ਕੋਡ ਤੇ ਆਧਾਰਿਤ ਹੁੰਦਾ ਹੈ, ਤਾਂ ਗਲਤ ਟੈਕਸ ਦਰ ਲਗਾਈ ਜਾਂ ਸਕਦੀ ਹੈ। ਇਹ ਸੁਨਿਸ਼ਚਿਤ ਕਰਨ ਲਈ ਕਿ ਟੈਕਸ ਦੀ ਸਹੀ ਰਕਮ ਵਸੂਲੀ ਗਈ ਹੈ, ਤੁਸੀਂ DMV ਦੇ ਕੋਲ ਜਾਣ ਤੋਂ ਪਹਿਲਾਂ ਆਪਣੀ ਟੈਕਸ ਦਰ ਦੀ ਪੁਸ਼ਟੀ ਕਰ ਸਕਦੇ ਹੋ।

ਆਪਣੀ ਟੈਕਸ ਦਰ ਦੀ ਪੁਸ਼ਟੀ ਕਰਨ ਲਈ, ਇੰਟਰਐਕਟਿਵ ਮੈਪ ਦੀ ਵਰਤੋਂ ਕਰਨ ਲਈ ਸਾਡੇ ਵਿਕਰੀ ਅਤੇ ਵਰਤੋਂ ਟੈਕਸ ਲੱਭੋ ਵੈੱਬਪੇਜ਼ ਤੇ ਜਾਓ ਅਤੇ ਉਹ ਪਤਾ ਦਾਖਲ ਕਰੋ ਜਿੱਥੇ ਵਾਹਨ ਰਜਿਸਟਰ ਕੀਤਾ ਗਿਆ ਸੀ। ਇਸ ਦਰ ਦੀ ਤੁਲਨਾ ਉਸ ਦਰ ਨਾਲ ਕਰੋ ਜੋ ਤੁਹਾਡੇ ਕੋਲੋਂ ਵਾਹਨ ਰਜਿਸਟਰ ਕਰਵਾਉਂਦੇ ਵੇਲੇ ਲੀਤਾ ਗਿਆ ਸੀ। ਜੇਕਰ ਤੁਸੀਂ DMV ਨੂੰ ਗਲਤ ਰਕਮ ਦਾ ਭੁਗਤਾਨ ਕੀਤਾ ਹੈ, ਤਾਂ ਤੁਸੀਂ ਰਿਫੰਡ ਲਈ ਇੱਕ ਦਾਅਵਾ ਫਾਇਲ ਕਰ ਸਕਦੇ ਹੋ ਅਤੇ ਇਸਨੂੰ ਸਾਡੇ ਕੋਲ ਜਮ੍ਹਾਂ ਕਰ ਸਕਦੇ ਹੋ।

ਸਾਡਾ California ਸ਼ਹਿਰ ਅਤੇ ਕਾਉਂਟੀ ਵਿਕਰੀ ਅਤੇ ਵਰਤੋਂ ਟੈਕਸ ਦਰ ਵੈੱਬਪੇਜ਼ ਟੈਕਸ ਦਰਾਂ ਦੀ ਜਾਣਕਾਰੀ ਪ੍ਰਦਾਨ ਕਰਦਾ ਹੈ ਅਤੇ ਇਸਦੇ ਨਾਲ ਹੀ ਹਾਲ ਹੀ ਵਿੱਚ ਟੈਕਸ ਦਰਾਂ ਵਿੱਚ ਤਬਦੀਲੀਆਂ, ਵਿਕਰੀ ਅਤੇ ਵਰਤੋਂ ਟੈਕਸ ਦੀਆਂ ਦਰਾਂ ਦੇ ਇਤਿਹਾਸ, ਜ਼ਿਲ੍ਹਾ ਟੈਕਸਾਂ ਦੀਆਂ ਦਰਾਂ ਅਤੇ ਪ੍ਰਭਾਵੀ ਮਿਤੀਆਂ ਦੀ ਵਿਆਖਿਆ ਕਰਦਾ ਹੈ।

ਉਦਾਹਰਣ: ਤੁਸੀਂ ਆਪਣੀ ਗੱਡੀ ਨੂੰ Frenso ਕਾਉਂਟੀ ਵਿੱਚ ਆਪਣੇ ਘਰ ਬੈਠੇ ਰਜਿਸਟਰ ਕਰਦੇ ਹੋ। ਤੁਸੀਂ Reedley ਸ਼ਹਿਰ ਵਿੱਚ ਨਹੀਂ, ਬਲਕਿ ਉਸਦੇ ਨੇੜੇ ਰਹਿੰਦੇ ਹੋ, ਜਿੱਥੇ ਇੱਕ ਖਾਸ ਟੈਕਸ ਜ਼ਿਲ੍ਹਾ ਹੈ। Reedley ਸ਼ਹਿਰ ਦੇ ਘਰਾਂ ਦਾ ਜ਼ਿਪ ਕੋਡ ਉਹੀ ਹੈ ਜੋ Frenso ਵਿੱਚ ਤੁਹਾਡੇ ਘਰ ਦਾ ਹੈ। ਜੇਕਰ DMV ਦੁਆਰਾ ਲਗਾਏ ਗਏ ਵਰਤੋਂ ਟੈਕਸ ਦੀ ਦਰ ਵਿੱਚ Reedley ਜ਼ਿਲ੍ਹਾ ਟੈਕਸ ਸ਼ਾਮਲ ਹੈ, ਤਾਂ ਤੁਸੀਂ ਉਸ ਜ਼ਿਲ੍ਹਾ ਟੈਕਸ ਲਈ ਯੋਗ ਨਹੀਂ ਹੋ ਅਤੇ ਵਾਧੂ ਭੁਗਤਾਨ ਕੀਤੇ ਗਏ ਜ਼ਿਲ੍ਹਾ ਟੈਕਸ ਦੇ ਰਿਫੰਡ ਲਈ ਹੱਕਦਾਰ ਹੋ।

ਜੇਕਰ DMV ਤੁਹਾਡੇ ਤੋਂ ਇੱਕ ਜ਼ਿਲ੍ਹਾ ਟੈਕਸ ਵਸੂਲਦਾ ਹੈ ਜਿਸ ਦੇ ਤੁਸੀਂ ਯੋਗ ਨਹੀਂ ਹੋ (ਉਦਾਹਰਣ ਵਜੋਂ, ਤੁਹਾਡਾ ਪਤਾ ਜ਼ਿਲ੍ਹਾ ਟੈਕਸ ਸੀਮਾ ਤੋਂ ਬਾਹਰ ਸਥਿਤ ਹੈ) ਜਿਵੇਂ ਕਿ ਉੱਪਰ ਦੱਸਿਆ ਗਿਆ ਹੈ, ਤਾਂ ਤੁਹਾਡੇ ਕੋਲ ਦੋ ਵਿਕਲਪ ਹਨ। ਤੁਸੀਂ:

• CDTFA ਦਫ਼ਤਰ ਵਿੱਚ ਸਹੀ ਟੈਕਸ ਦਾ ਭੁਗਤਾਨ ਕਰ ਸਕਦੇ ਹੋ ਅਤੇ ਆਪਣੇ ਵਾਹਨ ਨੂੰ DMV ਦੇ ਨਾਲ ਰਜਿਸਟਰ ਕਰਨ ਤੋਂ ਪਹਿਲਾਂ ਟੈਕਸ ਕਲੀਅਰੈਂਸ ਪ੍ਰਾਪਤ ਕਰ ਸਕਦੇ ਹੋ, ਜਾਂ
• ਤੁਸੀਂ DMV ਦੁਆਰਾ ਬੇਨਤੀ ਕੀਤੇ ਟੈਕਸ ਦਾ ਭੁਗਤਾਨ ਕਰ ਸਕਦੇ ਹੋ ਅਤੇ ਕਿਸੇ ਵੀ ਵਾਧੂ ਭੁਗਤਾਨ ਕੀਤੇ ਗਏ ਜ਼ਿਲ੍ਹਾ ਟੈਕਸ ਲਈ ਰਿਫੰਡ ਲਈ ਦਾਅਵਾ ਫਾਇਲ ਕਰ ਸਕਦੇ ਹੋ ਅਤੇ ਦਾਅਵੇ ਨੂੰ ਸਾਡੇ ਕੋਲ ਜਮ੍ਹਾਂ ਕਰ ਸਕਦੇ ਹੋ।

DMV ਨੂੰ ਵਾਧੂ ਭੁਗਤਾਨ ਕੀਤੇ ਗਏ ਵਤਰੋਂ ਟੈਕਸ ਤੇ ਰਿਫੰਡ ਲਈ ਦਾਅਵਾ ਫਾਇਲ ਕਰਨ ਲਈ, ਕਿਰਪਾ ਕਰਕੇ ਇਹਨਾਂ ਕਦਮਾਂ ਦੀ ਪਾਲਣਾ ਕਰੋ:

• ਜਿਸ ਪਤੇ ਤੁਹਾਡਾ ਵਾਹਨ ਰਜਿਸਟਰਡ ਹੈ, ਉਸ ਪਤੇ ਲਈ ਟੈਕਸ ਦੀ ਸਹੀ ਦਰ ਦੀ ਪੁਸ਼ਟੀ ਕਰੋ।
• ਇਸ ਦਰ ਦੀ ਤੁਲਨਾ DMV ਦੇ ਨਾਲ ਰਜਿਸਟਰ ਕਰਦੇ ਵੇਲੇ ਤੁਹਾਡੇ ਤੋਂ ਲਿੱਤੀ ਗਈ ਦਰ ਨਾਲ ਕਰੋ।
• ਜੇਕਰ ਤੁਹਾਡੇ ਕੋਲੋਂ ਜਿਆਦਾ ਪੈਸੇ ਵਸੂਲੇ ਗਏ ਸੀ, ਤਾਂ ਆਪਣੇ ਰਿਫੰਡ ਦੀ ਬੇਨਤੀ ਕਰਨ ਲਈ CDTFA-101-DMV, DMV ਨੂੰ ਭੁਗਤਾਨ ਕੀਤੇ ਟੈਕਸ ਲਈ ਰਿਫੰਡ ਜਾਂ ਕ੍ਰੈਡਿਟ ਲਈ ਦਾਅਵਾ, ਅਤੇ ਆਪਣੇ ਸਹਾਇਕ ਦਸਤਾਵੇਜ਼ ਡਾਊਨਲੋਡ ਕਰੋ ਅਤੇ ਸਾਨੂੰ ਜਮ੍ਹਾਂ ਕਰਵਾਓ।

ਆਪਣਾ ਦਾਅਵਾ ਔਨਲਾਈਨ ਫਾਇਲ ਕਰਨ ਲਈ, ਸਾਡੀਆਂ ਔਨਲਾਈਨ ਸੇਵਾਵਾਂ ਤੇ ਜਾਓ, ਫੇਰ ਸੀਮਿਤ ਪਹੁੰਚ ਵਾਲੇ ਫੰਕਸ਼ਨ ਹੇਠ DMV/FTB ਨੂੰ ਭੁਗਤਾਨ ਕੀਤੇ ਟੈਕਸ ਲਈ ਰਿਫੰਡ ਲਈ ਦਾਅਵਾ ਨੂੰ ਚੁਣੋ। ਔਨਲਾਈਨ ਫਾਰਮ ਭਰੋ ਅਤੇ ਕੋਈ ਵੀ ਸਹਾਇਕ ਦਸਤਾਵੇਜ਼ ਜਮ੍ਹਾਂ ਕਰੋ।

ਆਪਣਾ ਕਾਗਜ਼ ਦਾਅਵਾ ਫਾਇਲ ਕਰਨ ਲਈ, ਆਪਣੇ ਪੂਰੇ ਕੀਤੇ CDTFA-101-DMV ਨੂੰ ਅਤੇ ਸਹਾਇਕ ਦਸਤਾਵੇਜ਼ਾਂ ਨੂੰ ਹੇਠਾਂ ਦਿੱਤੇ ਪਤੇ ਤੇ ਸਾਡੇ ਉਪਭੋਗਤਾ ਵਰਤੋਂ ਟੈਕਸ ਸੈਕਸ਼ਨ ਤੇ ਜਾਂ ਕਿਸੇ ਵੀ CDTFA ਦਫ਼ਤਰ ਵਿਖੇ ਜਮ੍ਹਾਂ ਕਰੋ:

Consumer Use Tax Section, MIC:37
California Department of Tax and Fee Administration
PO Box 942879
Sacramento CA 94279-0037

ਕਿਰਪਾ ਕਰਕੇ publication 52, Vehicles and Vessels: Use Tax,(ਪੰਜਾਬੀ ਵਿੱਚ ਉਪਲਬਧ ਹੈ, ਪ੍ਰਕਾਸ਼ਨ 52, ਵਾਹਨ ਅਤੇ ਸਮੁੰਦਰੀ ਜਹਾਜ਼: ਵਰਤੋਂ ਟੈਕਸ) ਦੇਖੋ ਜਾਂ ਸਹਾਇਤਾ ਲਈ ਸਾਡੇ ਗਾਹਕ ਸੇਵਾ ਕੇਂਦਰ ਨੂੰ 1‑800‑400‑7115 (TTY:711) ਤੇ ਕਾਲ ਕਰੋ।