ਰਿਫੰਡ ਲਈ ਦਾਅਵਾ ਫਾਇਲ ਕਰਨਾ (Publication 117)
ਦਾਅਵਾ ਕਰਨ ਦੀ ਪ੍ਰਕਿਰਿਆ

ਅਸੀਂ ਤੁਹਾਨੂੰ ਦਾਅਵੇ ਦੀ ਰਸੀਦ ਨੂੰ ਸਵੀਕਾਰ ਕਰਨ ਬਾਰੇ ਇੱਕ ਪੱਤਰ ਭੇਜਾਂਗੇ। ਅਸੀਂ ਦਾਅਵਿਆਂ ਦੀ ਜਿੰਨੀ ਜਲਦੀ ਹੋ ਸਕੇ ਸਮੀਖਿਆ ਕਰਦੇ ਹਾਂ, ਆਮ ਤੌਰ ਤੇ ਜਿਵੇਂ ਅਸੀਂ ਉਹਨਾਂ ਨੂੰ ਪ੍ਰਾਪਤ ਕਰਦੇ ਹਾਂ, ਉਸ ਕ੍ਰਮ ਵਿੱਚ, ਲੇਕਿਨ ਪ੍ਰਕਿਰਿਆ ਵਿੱਚ ਕਈ ਮਹੀਨੇ ਲੱਗ ਸਕਦੇ ਹਨ।

ਜੇਕਰ ਅਸੀਂ ਤੁਹਾਡੇ ਦਾਅਵੇ ਨੂੰ ਸਵੀਕਾਰ ਕਰਦੇ ਹਾਂ, ਤਾਂ ਅਸੀਂ ਤੁਹਾਡੇ ਦੁਆਰਾ ਵੱਧ ਭੁਗਤਾਨ ਕੀਤੀ ਗਈ ਰਕਮ ਨੂੰ ਦਰਸਾਉਂਦਾ ਰਿਫੰਡ ਦਾ ਨੋਟਿਸ ਜਾਰੀ ਕਰਾਂਗੇ। ਅਸੀਂ ਤੁਹਾਨੂੰ ਉਸ ਰਕਮ ਦਾ ਸਿੱਧੇ ਤੌਰ ਤੇ ਭੁਗਤਾਨ ਨਹੀਂ ਕਰਾਂਗੇ, ਜੇਕਰ ਉਸ ਰਕਮ ਵਿੱਚੋਂ ਕੋਈ ਵੀ ਰਕਮ ਤੁਹਾਡੇ ਦੁਆਰਾ ਸਾਨੂੰ ਜਾਂ ਹੋਰ ਰਾਜ ਏਜੰਸੀਆਂ ਨੂੰ ਦੇਣ ਵਾਲੀਆਂ ਹੋਰ ਰਕਮਾਂ ਦੇ ਵਿਰੁੱਧ ਕ੍ਰੈਡਿਟ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ, ਜੇਕਰ ਅਸੀਂ ਨਤੀਜਾ ਕੱਢਦੇ ਹਾਂ ਕਿ $50,000 ਤੋਂ ਵੱਧ ਦੀ ਰਕਮ ਵਾਪਸ ਕੀਤੀ ਜਾਣੀ ਚਾਹੀਦੀ ਹੈ, ਤਾਂ ਇਹ ਨਤੀਜਾ ਇਸਦੀ ਪ੍ਰਭਾਵੀ ਮਿਤੀ ਤੋਂ ਘੱਟੋ-ਘੱਟ 10 ਦਿਨ ਬਾਅਦ ਜਨਤਕ ਰਿਕਾਰਡ ਦੇ ਮਾਮਲੇ ਦੇ ਤੌਰ ਤੇ ਉਪਲਬਧ ਹੋਣਾ ਚਾਹੀਦਾ ਹੈ। ਜੇਕਰ ਤੁਹਾਡਾ ਰਿਫੰਡ ਕੁਝ ਮਾਪਦੰਡਾਂ ਨੂੰ ਪੂਰਾ ਕਰਦਾ ਹੈ ਤਾਂ ਅਸੀਂ ਉਸ ਉੱਤੇ ਵਿਆਜ ਦਾ ਭੁਗਤਾਨ ਕਰਾਂਗੇ। ਹੋਰ ਜਾਣਕਾਰੀ ਲਈ, publication 75, Interest, Penalties, and Collection Cost Recovery Fee (ਪੰਜਾਬੀ ਵਿੱਚ ਉਪਲਬਧ ਹੈ, ਪ੍ਰਕਾਸ਼ਨ 75-PI, ਵਿਆਜ, ਜੁਰਮਾਨੇ, ਅਤੇ ਵਸੂਲੀ ਲਾਗਤ ਰਿਕਵਰੀ ਫੀਸ) ਦੇਖੋ।

ਜੇਕਰ ਸਾਨੂੰ ਲੱਗਦਾ ਹੈ ਕਿ ਰਿਫੰਡ ਲਈ ਦਾਅਵੇ ਤੋਂ ਇਨਕਾਰ ਕਰਨਾ ਚਾਹੀਦਾ ਹੈ, ਤਾਂ ਅਸੀਂ ਸਾਡੀਆਂ ਖੋਜਾਂ ਅਤੇ ਇਹਨਾਂ ਖੋਜਾਂ ਦੇ ਸਪਸ਼ਟੀਕਰਨ ਵਾਲੀ ਇੱਕ ਪੱਤਰ ਤੁਹਾਨੂੰ ਡਾਕ ਰਾਹੀਂ ਭੇਜਾਂਗੇ। ਜੇਕਰ ਤੁਸੀਂ ਸਾਡੀਆਂ ਖੋਜਾਂ ਨਾਲ ਅਸਹਿਮਤ ਹੋਵੋ, ਤਾਂ ਤੁਸੀਂ ਸਾਡੇ Appeals Bureau (ਅਪੀਲਸ ਬਿਊਰੋ) ਨੂੰ ਅਪੀਲਸ ਕਾਨਫਰੰਸ ਦੀ ਬੇਨਤੀ ਕਰ ਸਕਦੇ ਹੋ। ਕਿਰਪਾ ਕਰਕੇ ਧਿਆਨ ਦਿਓ, ਅਪੀਲਸ ਕਾਨਫਰੰਸ ਲਈ ਬੇਨਤੀ ਮਨਜ਼ੂਰ ਕਰਨਾ ਸਾਡੀ ਮਰਜ਼ੀ ਹੋਵੇਗੀ।

ਜੇਕਰ ਤੁਸੀਂ Appeals Bureau ਦੇ ਫੈਸਲੇ ਤੋਂ ਅਸਹਿਮਤ ਹੋਵੋ, ਤਾਂ ਤੁਸੀਂ Appeals Bureau ਨੂੰ ਦੁਬਾਰਾ ਵਿਚਾਰ ਕਰਨ ਲਈ ਬੇਨਤੀ ਪੇਸ਼ ਕਰ ਸਕਦੇ ਹੋ ਜਾਂ Office of Tax Appeals (ਟੈਕਸ ਅਪੀਲ ਦਫ਼ਤਰ) ਨੂੰ ਫੈਸਲੇ ਤੇ ਅਪੀਲ ਕਰ ਸਕਦੇ ਹੋ। ਕਾਰਵਾਈਆਂ ਦਾ ਸਿੱਟਾ ਨਿੱਕਲਣ ਤੇ, ਅਸੀਂ ਤੁਹਾਨੂੰ ਰਿਫੰਡ ਦਾ ਨੋਟਿਸ ਜਾਂ ਰਿਫੰਡ ਲਈ ਦਾਅਵੇ ਤੋਂ ਇਨਕਾਰ ਕਰਨ ਦਾ ਨੋਟਿਸ ਭੇਜਾਂਗੇ, ਜੋ ਵੀ ਲਾਗੂ ਹੁੰਦਾ ਹੋਵੇ।

ਜੇਕਰ ਰਿਫੰਡ ਲਈ ਤੁਹਾਡੇ ਦਾਅਵੇ ਤੋਂ ਇਨਕਾਰ ਹੁੰਦਾ ਹੈ ਅਤੇ ਤੁਸੀਂ ਆਪਣੀ ਅਪੀਲ ਨੂੰ ਜਾਰੀ ਰੱਖਣਾ ਚਾਹੁੰਦੇ ਹੋ, ਤਾਂ ਅਗਲਾ ਕਦਮ ਅਦਾਲਤ ਵਿੱਚ ਰਿਫੰਡ ਲਈ ਮੁਕੱਦਮਾ ਦਾਇਰ ਕਰਨਾ ਹੈ। ਜੇਕਰ ਤੁਸੀਂ ਅਜਿਹਾ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਰਿਫੰਡ ਲਈ ਦਾਅਵੇ ਤੋਂ ਇਨਕਾਰ ਕਰਨ ਦੇ ਨੋਟਿਸ ਦੀ ਮਿਤੀ ਤੋਂ 90 ਦਿਨਾਂ ਦੇ ਅੰਦਰ ਮੁਕੱਦਮਾ ਦਾਇਰ ਕਰਨਾ ਚਾਹੀਦਾ ਹੈ।

ਜੇਕਰ ਅਸੀਂ ਰਿਫੰਡ ਲਈ ਤੁਹਾਡਾ ਦਾਅਵਾ ਦਰਜ਼ ਕਰਨ ਦੀ ਮਿਤੀ ਤੋਂ ਛੇ ਮਹੀਨਿਆਂ ਦੇ ਅੰਦਰ ਇਸਤੇ ਕਾਰਵਾਈ ਨਹੀਂ ਕੀਤੀ ਹੈ, ਤਾਂ ਤੁਹਾਡੇ ਕੋਲ ਵਿਕਲਪ ਹੈ ਕਿ ਇਹ ਮੰਨ ਲਵੋ ਕਿ ਦਾਅਵੇ ਨੂੰ ਸਾਡੇ ਵੱਲੋਂ ਇਨਕਾਰ ਕੀਤਾ ਗਿਆ ਹੈ ਅਤੇ ਤੁਸੀਂ ਮੁਕੱਦਮਾ ਦਾਇਰ ਕਰ ਸਕਦੇ ਹੋ।

ਵਧੇਰੀ ਜਾਣਕਾਰੀ ਲਈ, publication 17, Appeals Procedures: Sales and Use Taxes and Special Taxes and Fees (ਪ੍ਰਕਾਸ਼ਨ 17, ਅਪੀਲਾਂ ਦੀਆਂ ਪ੍ਰਕਿਰਿਆਵਾਂ: ਵਿਕਰੀਆਂ ਅਤੇ ਉਪਯੋਗ ਟੈਕਸ ਅਤੇ ਵਿਸ਼ੇਸ਼ ਟੈਕਸ ਅਤੇ ਫੀਸ) ਦੇਖੋ।